Bebabuk’ bashkohet me Trust Circle Foundation për të mbështetur fëmijët pa përkujdesje prindërore

Në misionin tonë për të ndërtuar një të ardhme më të sigurt dhe më të dashur për fëmijët pa kujdes prindëror, jemi të lumtur të ndajmë lajmin për një bashkëpunim që vjen me zemër të madhe.

Bebabuk’ – një brend i përkushtuar ndaj ushqimit natyral dhe të sigurt për foshnjat – i është bashkuar kauzës sonë duke dhuruar 50 pako ushqimore falas, të përbëra nga kavanoza me ushqim 100% natyral, pa konservues dhe pa shtues artificialë. Ky gjest solidariteti vjen si një përkrahje reale për fëmijët më të ndjeshëm të shoqërisë sonë.

Ushqimet e përgatitura nga Bebabuk’ janë të sigurta për konsum deri në 3 ditë dhe të pasura me vlera ushqyese që mbështesin zhvillimin e shëndetshëm të fëmijëve në vitet e para të jetës. Ky është një hap konkret drejt mirëqenies afatgjatë të tyre – një kujdes që nuk ndalet vetëm te produkti, por përçon ngrohtësi dhe dashuri.

Ne në Trust Circle Foundation jemi mirënjohës për këtë iniciativë të sinqertë që rikonfirmon se bashkëpunimet me qëllim të mirë ndryshojnë jetë. Faleminderit Bebabuk’ që po bëheni zëri i dashurisë dhe përkujdesjes për fëmijët që kanë më shumë nevojë.

Si mund të ndihmoni?

Kjo nismë është vetëm një hap drejt një misioni më të madh. Nëse dëshironi të bëheni pjesë e iniciativave për të përmirësuar jetën e fëmijëve pa kujdes prindëror, mund të kontribuoni në forma të ndryshme:

Përmes pakove të mbështetjes

Përmes ligjit për sponsorizime

Përmes ofrimit të shërbimeve pa pagesë

Bëhu pjesë e rrethit të besimit – Trust Circle!