ONA DENT dhe Trust Circle Foundation për Fëmijët pa Kujdes Prindëror

Shëndeti oral është më shumë sesa vetëm dhëmbë të drejtë – është një pjesë e rëndësishme që ndikon drejtpërdrejt në mirëqenien, vetëvlerësimin dhe të ardhmen e çdo fëmije. Me këtë vizion të përbashkët, Trust Circle Foundation (TCF) dhe klinika dentare ONA DENT, në bashkëpunim me Dr. Hana Cukaj Ademi, kanë ndërmarrë një nismë të veçantë për të ofruar trajtim ortodontik falas për 5 fëmijë pa kujdes prindëror në Kosovë.

Në kuadër të kësaj iniciative, Dr. Hana Cukaj Ademi do të ofrojë shërbime të specializuara ortopedike të nofullave dhe ortodonci, me mundësinë për vazhdimin e terapisë së plotë. Ky trajtim nuk synon vetëm përmirësimin estetik të buzëqeshjes, por edhe ndërtimin e një themeli të fortë për shëndetin oral dhe mirëqenien afatgjate të këtyre fëmijëve.

Shprehim mirënjohje të veçantë për ekipin e ONA DENT dhe Dr. Hana Cukaj Ademi, të cilët me profesionalizëm dhe shumë përkushtim po sjellin ndryshime të rëndësishme dhe pozitive në jetën e këtyre fëmijëve. Këto shërbime të ofruara nuk janë vetëm ndihmë mjekësore – ato janë dhurata të mbushura me dashuri, kujdes dhe njerëzi – elemente thelbësore për zhvillimin e çdo fëmije.

Si mund të ndihmoni?

Kjo nismë është vetëm një hap drejt një misioni më të madh. Nëse dëshironi të bëheni pjesë e iniciativave për të përmirësuar jetën e fëmijëve pa kujdes prindëror, mund të kontribuoni në forma të ndryshme:

Përmes pakove të mbështetjes

Përmes ligjit për sponsorizime

Përmes ofrimit të shërbimeve pa pagesë

Bëhu pjesë e rrethit të besimit – Trust Circle!